നീ എവിടെ! നീ എവിടെ.....
നിന്‍ ദേവാലയത്തിരുമുറ്റത്ത്
ഞാനെത്ര തിരഞ്ഞു
നിനക്കായ് മാത്രം കൊതിച്ചൊരു
ദാസന്‍ ഞാന്‍
എവിടേ... നീ... എവിടെ...
ഹൃദയസ്വപ്നങ്ങള്‍ തന്‍
മഞ്ചലില്‍ ഏറി ഞാന്‍ വരുന്നൂ
നിന്നെത്തിരഞ്ഞ്
നിന്‍ സ്വരം പോലും എനിക്കന്യമായ്
എന്നല്ലോ എന്‍ മനസ്സില്‍
എവിടേ... നീ... എവിടെ...
വിലക്കുകള്‍ തീര്‍ത്ത പ്രതിബന്ധങ്ങള്‍
തകര്‍ക്കും ഞാന്‍ നിനക്കായ്
എന്‍ കണ്ണിണയില്‍ കുടികൊള്ളും ദേവീ...
നീയെന്‍റെ പ്രാര്‍ത്ഥന കേള്‍ക്കൂ
വരൂ..... ദേവീ.. വരൂ.... എന്‍ സമക്ഷം
എവിടേ... നീ... എവിടെ...
2010 മാർച്ച് 21, ഞായറാഴ്‌ച
2010 മാർച്ച് 7, ഞായറാഴ്‌ച
സ്വപ്നം..........
സ്വപ്നം... വെറുമൊരു സ്വപ്നം
ചിന്താമണ്ഡല ബോധങ്ങളില്‍
നിറവിന്‍ സ്വപ്നങ്ങള്‍
ഈ നിലാവിലും
നട്ടുച്ചയിലും
എന്‍ സ്വപ്നങ്ങള്‍ കരിഞ്ഞടങ്ങി...
ഇന്നെനിക്ക് സ്വപ്നങ്ങള്‍ ഭയമാണ്.
ഇന്നെന്‍ സ്വപ്നങ്ങള്‍ ഭീകരമായ്
പൊട്ടിത്തകര്‍ന്ന കിനാവുകള്‍
പേടിപ്പിക്കുന്ന രാവുകളില്‍
എന്നോ ഞാന്‍ ഞെട്ടിയെഴുന്നേല്‍ക്കുന്നു
ജീവിതത്തിന്‍ അനിശ്ചിതമാം
ഭീതിയെന്നെ തഴുകുന്നു
എന്നാണ് സ്വപ്നങ്ങള്‍ എന്നെ
കീഴടക്കുന്നത്........
ചിന്താമണ്ഡല ബോധങ്ങളില്‍
നിറവിന്‍ സ്വപ്നങ്ങള്‍
ഈ നിലാവിലും
നട്ടുച്ചയിലും
എന്‍ സ്വപ്നങ്ങള്‍ കരിഞ്ഞടങ്ങി...
ഇന്നെനിക്ക് സ്വപ്നങ്ങള്‍ ഭയമാണ്.
ഇന്നെന്‍ സ്വപ്നങ്ങള്‍ ഭീകരമായ്
പൊട്ടിത്തകര്‍ന്ന കിനാവുകള്‍
പേടിപ്പിക്കുന്ന രാവുകളില്‍
എന്നോ ഞാന്‍ ഞെട്ടിയെഴുന്നേല്‍ക്കുന്നു
ജീവിതത്തിന്‍ അനിശ്ചിതമാം
ഭീതിയെന്നെ തഴുകുന്നു
എന്നാണ് സ്വപ്നങ്ങള്‍ എന്നെ
കീഴടക്കുന്നത്........
2010 ഫെബ്രുവരി 28, ഞായറാഴ്‌ച
ജനപ്രിയ ബജറ്റ്..........
അങ്ങനെ ഒരു ബജറ്റ് കൂടി കേന്ദ്രത്തില്‍ നിന്നും എത്തി. സത്യത്തില്‍ ഈ നാട്ടിലെ ജനങ്ങളെ സമ്മതിക്കണം. എന്തൊക്കെ പ്രതീക്ഷകളോടെയാണ് ജനം ഓരോരുത്തരെ ഭരണത്തില്‍ കയറ്റി വിടുന്നത്. മനസ്സു നിറയെ വാഗ്ദാനങ്ങളും നല്‍കി അധികാരത്തില്‍ ചെന്നു കഴിയുന്പോള്‍ പാവം ജനങ്ങളെ പുറംകാല്‍ കൊണ്ട് തട്ടിയെറിയുന്ന ആ പതിവ് ഈ ബജറ്റിലും തെറ്റിച്ചില്ല.
വിലക്കയറ്റത്തില്‍ പൊറുതി മുട്ടുന്ന ജനങ്ങളെ തീരാത്ത ദുരിതത്തില്‍ വലിച്ചെറിയുന്ന ബജറ്റ്. അവസാനം ഈ രാജ്യം വല്ല കോര്‍പ്പറേറ്റ് മുതലാളിമാര്‍ക്കും തീറെഴുതി കൊടുക്കാന്‍ അധികം താമസമുണ്ടാകില്ല. പട്ടിണി കൊണ്ട് പൊറുതി മുട്ടുന്ന ജനങ്ങള്‍ ഏതെങ്കിലും വിധത്തില്‍ പ്രതികരിക്കുന്പോള്‍ അവരെ തീവ്രവാദികളാക്കി മാറ്റുന്ന ഭരണകൂട ഭീകരതയ്ക്കും നാം സാക്ഷിയാകുന്നു. ഇങ്ങനെ പോയാല്‍ അല്‍പ്പം ഭക്ഷണത്തിനും വെള്ളത്തിനും വരെ പിടിച്ചുപറി നടത്തുന്ന ഒരു നാട് നാം കാണേണ്ടി വരും.
രാജ്യത്തില്‍ മഹാഭൂരി പക്ഷം വരുന്ന ജനങ്ങളെ വറുതിയില്‍ താഴ്ത്തിയിട്ട് കേവലം ന്യൂനപക്ഷം വരുന്ന വന്‍കിട മുതലാളിമാരെ സഹായിക്കുന്ന ഈ രാഷ്ട്രീയ കോമരങ്ങളെ പിടിച്ചു കെട്ടാന്‍ ആര് വരും. ആരെ പരീക്ഷിച്ചാലും അവരും സാധാരണ ജനങ്ങളുടെ അന്തകരായി മാറുകയാണ്.
പറയൂ ബജറ്റ് ജനപ്രിയമാണോ.........?
വിലക്കയറ്റത്തില്‍ പൊറുതി മുട്ടുന്ന ജനങ്ങളെ തീരാത്ത ദുരിതത്തില്‍ വലിച്ചെറിയുന്ന ബജറ്റ്. അവസാനം ഈ രാജ്യം വല്ല കോര്‍പ്പറേറ്റ് മുതലാളിമാര്‍ക്കും തീറെഴുതി കൊടുക്കാന്‍ അധികം താമസമുണ്ടാകില്ല. പട്ടിണി കൊണ്ട് പൊറുതി മുട്ടുന്ന ജനങ്ങള്‍ ഏതെങ്കിലും വിധത്തില്‍ പ്രതികരിക്കുന്പോള്‍ അവരെ തീവ്രവാദികളാക്കി മാറ്റുന്ന ഭരണകൂട ഭീകരതയ്ക്കും നാം സാക്ഷിയാകുന്നു. ഇങ്ങനെ പോയാല്‍ അല്‍പ്പം ഭക്ഷണത്തിനും വെള്ളത്തിനും വരെ പിടിച്ചുപറി നടത്തുന്ന ഒരു നാട് നാം കാണേണ്ടി വരും.
രാജ്യത്തില്‍ മഹാഭൂരി പക്ഷം വരുന്ന ജനങ്ങളെ വറുതിയില്‍ താഴ്ത്തിയിട്ട് കേവലം ന്യൂനപക്ഷം വരുന്ന വന്‍കിട മുതലാളിമാരെ സഹായിക്കുന്ന ഈ രാഷ്ട്രീയ കോമരങ്ങളെ പിടിച്ചു കെട്ടാന്‍ ആര് വരും. ആരെ പരീക്ഷിച്ചാലും അവരും സാധാരണ ജനങ്ങളുടെ അന്തകരായി മാറുകയാണ്.
പറയൂ ബജറ്റ് ജനപ്രിയമാണോ.........?
2010 ഫെബ്രുവരി 25, വ്യാഴാഴ്‌ച
സചിന്‍... ഓ.. മൈ സചിന്‍
കായികലോകത്തെ ഏറ്റവും വിലപിടിപ്പുള്ള കളിയിലെ ഏറ്റവും കരുത്തനായ പോരാളി. എന്‍റെ സചിന്‍ എന്ന് വിളിച്ചത് എന്‍റെ വായനക്കാര്‍ സദയം ക്ഷമിക്കുക, കാരണം ഇദ്ദേഹം നമ്മുടെ ഓരോരുത്തരുടെയുമാണ്. ഓരോ ഭാരതീയന്‍റെയും സ്വകാര്യമായ അഹങ്കാരമാണ്.
ഇനി ആരുണ്ട് ഇതിനു മുകളില്‍. ആരും ഉണ്ടാവില്ല. വിജയങ്ങളിലും റിക്കാര്‍ഡുകളിലും അമിതമായ ആഹ്ലാദം കാണിക്കാത്ത, എന്തും ക്ഷമയോടെ നേരിടുന്ന, സഹകളിക്കാര്‍ക്ക് പ്രചോദമായ പ്രിയപ്പെട്ട സചിന്‍. ബ്രാഡ്മാനൊക്കെ ഇദ്ദേഹത്തിന്‍റെ മുന്നില്‍ ഒന്നുമല്ല എന്ന് അഹങ്കാരത്തോടെ ഞങ്ങള്‍ പറയട്ടെ. റിക്കാര്‍ഡുകളുടെ പെരുമഴ ഇനിയും തുടരുക താങ്കള്‍.
2010 ഫെബ്രുവരി 14, ഞായറാഴ്‌ച
വാലന്‍റൈന്‍ നിന്നോടെനിക്ക് അസൂയ തോന്നുന്നു
ജീവിതത്തില്‍ ഒരിക്കലെങ്കിലും പ്രണയിക്കാത്തവര്‍ ഉണ്ടാവുമോ
എന്ന് എനിക്കറിയില്ല....
പക്ഷേ ഒരിക്കലെങ്കിലും പ്രണയിക്കാത്തവര്‍ ജീവിതത്തിലെ
ഏറ്റവും സുന്ദരമായ നിമിഷങ്ങള്‍ അവര്‍
ആസ്വദിച്ചിട്ടില്ല എന്ന് ഞാന്‍ പറയും....
കാച്ചെണ്ണയുടെയും ചന്ദനത്തിന്‍റെയും നനുത്ത നൈര്‍മല്യമുള്ള
ആ പ്രണയം....
ഹാ.. എത്ര സുന്ദരമായ പദം.
കാല്‍പനികത വഴിഞ്ഞു നില്‍ക്കുന്ന ആ അന്തരീക്ഷത്തില്‍
ജീവിതം എത്ര മനോഹരം...
പ്രണയത്തിന്‍റെ നിറം എന്താണെന്ന് ചിന്തിക്കുക..
പ്രണയത്തിന്‍റെ നിറം ചുവപ്പെന്ന് ഞാന്‍ പറയും
അതും ഒരു വിപ്ലവമല്ലേ.....
ആചാരങ്ങളെയും അനുഷ്ഠാനങ്ങളെയും വെല്ലുവിളിച്ച്
അതങ്ങിനെ കവിഞ്ഞൊഴുകും...
അങ്ങിനെ മനുഷ്യനുള്ള കാലത്തോളം പ്രണയ നദി വറ്റാതൊഴുകട്ടെ..
ഏവര്‍ക്കും കാതലര്‍ ദിന ആശംസകള്‍
എന്ന് എനിക്കറിയില്ല....
പക്ഷേ ഒരിക്കലെങ്കിലും പ്രണയിക്കാത്തവര്‍ ജീവിതത്തിലെ
ഏറ്റവും സുന്ദരമായ നിമിഷങ്ങള്‍ അവര്‍
ആസ്വദിച്ചിട്ടില്ല എന്ന് ഞാന്‍ പറയും....
കാച്ചെണ്ണയുടെയും ചന്ദനത്തിന്‍റെയും നനുത്ത നൈര്‍മല്യമുള്ള
ആ പ്രണയം....
ഹാ.. എത്ര സുന്ദരമായ പദം.
കാല്‍പനികത വഴിഞ്ഞു നില്‍ക്കുന്ന ആ അന്തരീക്ഷത്തില്‍
ജീവിതം എത്ര മനോഹരം...
പ്രണയത്തിന്‍റെ നിറം എന്താണെന്ന് ചിന്തിക്കുക..
പ്രണയത്തിന്‍റെ നിറം ചുവപ്പെന്ന് ഞാന്‍ പറയും
അതും ഒരു വിപ്ലവമല്ലേ.....
ആചാരങ്ങളെയും അനുഷ്ഠാനങ്ങളെയും വെല്ലുവിളിച്ച്
അതങ്ങിനെ കവിഞ്ഞൊഴുകും...
അങ്ങിനെ മനുഷ്യനുള്ള കാലത്തോളം പ്രണയ നദി വറ്റാതൊഴുകട്ടെ..
ഏവര്‍ക്കും കാതലര്‍ ദിന ആശംസകള്‍
2010 ജനുവരി 28, വ്യാഴാഴ്‌ച
റിപ്പബ്ലിക്ക്
അങ്ങനെ ഒരു റിപ്പബ്ലിക്ക് ആഘോഷം കൂടി കഴിഞ്ഞു. പതിവു പോലെ ഭീകരന്‍മാര്‍ ഇത്തവണയും ആക്രമിച്ചില്ല. എന്തൊക്കെ ബഹളമായിരുന്നു. പാരാ ഗ്ലൈഡിംഗ് ഭീകരന്‍മാര്‍ എവിടെപ്പോയോ എന്തോ. ഒരു പഴയ വാര്‍ത്ത കാണുവാനിടയായി. റിപ്പബ്ലിക്കാവുന്പോള്‍ പുതിയ ഭരണക്രമം രാജഭരണത്തില്‍ നിന്നും മോചനം തുടങ്ങിയ ചില തമാശകള്‍ കണ്ടു. രാജഭരണത്തില്‍ നിന്നും നമ്മള്‍ ശരിക്കും മോചിതരായോ. നേതാക്കളുടെ മക്കള്‍ തന്നെ വീണ്ടും അധികാരത്തിന്‍റെ അകത്തളങ്ങളില്‍ അവരോധിക്കപ്പെടുന്നു. മക്കള്‍ രാഷ്ട്രീയം. ഇതും രാജഭരണവും തമ്മില്‍ എന്ത് വ്യത്യാസം.
പാവങ്ങള്‍ വീണ്ടും പട്ടിണിയിലും ദാരിദ്ര്യത്തിലും മുങ്ങിത്താഴുന്നു. ഭീകരമായ വിലക്കയറ്റം അവരെ കാര്‍ന്നു തിന്നുന്നു. കേന്ദ്ര സംസ്ഥാന സര്‍ക്കാരുകള്‍ പരസ്പരം പഴിചാരുന്നു. പണിയില്ലാത്ത കേന്ദ്ര മന്ത്രിമാരുടെ വക വേറേ. ഇതൊക്കെ ഈ രാജ്യത്തെ ജനങ്ങള്‍ സഹിക്കണമല്ലോ. എന്നിട്ടും ഈ റിപ്പബ്ലിക്ക് ആഘോഷത്തോടെ കൊണ്ടാടാന്‍ ഇവിടുത്തെ പാവപ്പെട്ടവനും സാധിക്കുന്നു. രാജ്യത്തിന്‍റെ പരമാധികാരം ജനങ്ങള്‍ക്ക് കിട്ടിയതിന്‍റെ ആഘോഷം. സ്വാതന്ത്രസമര സേനാനികളേ മാപ്പ്.
കോടീശ്വരന്‍മാര്‍ രാജ്യത്ത് ഭരണം വരെ നിയന്ത്രിക്കുന്നു. സര്‍ക്കാര്‍ വക എണ്ണപ്പാടങ്ങള്‍ വരെ കുത്തകകള്‍ കയ്യടക്കി വെച്ചിരിക്കുന്നു. രാജ്യത്തിന്‍റെ സന്പത്തുകള്‍ നിയന്ത്രിക്കുന്നതും കുത്തകകള്‍. സര്‍ക്കാര്‍ സേവന മേഖലകളില്‍ നിന്നും പിന്‍മാറുന്നു. വിദ്യാഭ്യാസവും ആരോഗ്യവും സാധാരണക്കാരായ പട്ടിണിപ്പാവങ്ങള്‍ക്ക് അപ്രാപ്യമാകുന്നു.
നമുക്ക് സ്വാതന്ത്ര്യം കിട്ടിയെന്ന് ആര് പറഞ്ഞു?
പാവങ്ങള്‍ വീണ്ടും പട്ടിണിയിലും ദാരിദ്ര്യത്തിലും മുങ്ങിത്താഴുന്നു. ഭീകരമായ വിലക്കയറ്റം അവരെ കാര്‍ന്നു തിന്നുന്നു. കേന്ദ്ര സംസ്ഥാന സര്‍ക്കാരുകള്‍ പരസ്പരം പഴിചാരുന്നു. പണിയില്ലാത്ത കേന്ദ്ര മന്ത്രിമാരുടെ വക വേറേ. ഇതൊക്കെ ഈ രാജ്യത്തെ ജനങ്ങള്‍ സഹിക്കണമല്ലോ. എന്നിട്ടും ഈ റിപ്പബ്ലിക്ക് ആഘോഷത്തോടെ കൊണ്ടാടാന്‍ ഇവിടുത്തെ പാവപ്പെട്ടവനും സാധിക്കുന്നു. രാജ്യത്തിന്‍റെ പരമാധികാരം ജനങ്ങള്‍ക്ക് കിട്ടിയതിന്‍റെ ആഘോഷം. സ്വാതന്ത്രസമര സേനാനികളേ മാപ്പ്.
കോടീശ്വരന്‍മാര്‍ രാജ്യത്ത് ഭരണം വരെ നിയന്ത്രിക്കുന്നു. സര്‍ക്കാര്‍ വക എണ്ണപ്പാടങ്ങള്‍ വരെ കുത്തകകള്‍ കയ്യടക്കി വെച്ചിരിക്കുന്നു. രാജ്യത്തിന്‍റെ സന്പത്തുകള്‍ നിയന്ത്രിക്കുന്നതും കുത്തകകള്‍. സര്‍ക്കാര്‍ സേവന മേഖലകളില്‍ നിന്നും പിന്‍മാറുന്നു. വിദ്യാഭ്യാസവും ആരോഗ്യവും സാധാരണക്കാരായ പട്ടിണിപ്പാവങ്ങള്‍ക്ക് അപ്രാപ്യമാകുന്നു.
നമുക്ക് സ്വാതന്ത്ര്യം കിട്ടിയെന്ന് ആര് പറഞ്ഞു?
2010 ജനുവരി 19, ചൊവ്വാഴ്ച
ജ്യോതി അണഞ്ഞു
ഇന്ത്യന്‍ രാഷ്ട്രീയ നഭോമണ്ഡലത്തിലെ ആചാര്യനായ സ.ജ്യോതി ബാസു മരണപ്പെട്ടു. തന്‍റെ മരണം പോലും മാതൃകയാക്കിയ (ശരീരം വിദ്യാര്‍ത്ഥികള്‍ക്ക് ഉപയോഗിക്കാന്‍ കൊടുത്തത്) അദ്ദേഹത്തിന് എന്‍റെ ആദരാഞ്ജലികള്‍. രാഷ്ട്രീയവും രാഷ്ട്രീയക്കാരും കാലത്തിന്‍റെ അപചയത്തില്‍ മുങ്ങിനില്‍ക്കുന്ന ഈ കാലഘട്ടത്തില്‍ ഇതുപോലുള്ള മഹാനുഭാവന്‍മാര്‍ കാലയവനികക്കുള്ളില്‍ മറയുന്നത് രാജ്യത്തിന് എത്രത്തോളം നഷ്ടമാണ് എന്നത് അറിയാന്‍ പോകുന്നതേയുള്ളു.
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)