നാട്ടില് ഒരു പുലിയിറങ്ങി, ഭീതി വിതച്ചതിനു ശേഷം അത് കാട്ടിലേക്ക് ഓടിപ്പോകുന്നു. എങ്ങനെയെങ്കിലും ആ പുലിയെ കീഴ്പെടുത്തണം. നാട് മുഴുവന് ചര്ച്ചയായി. ലോകത്തിന്റെ പലഭാഗത്ത് നിന്നും കേഴ്വി കേട്ട വേട്ടക്കാര് വന്നു. അവര് കാട്ടിലേക്കിറങ്ങി. പക്ഷേ ആര്ക്കും പുലിയെ കണ്ടെത്താനായില്ല. പല നാട്ടില് നിന്നും പൊലീസും പട്ടാളവും എത്തി. പക്ഷേ എല്ലാവരും തോറ്റ് പിന്മാറി. ആര്ക്കും പുലിയെ കണ്ടെത്താനായില്ല. അവസാനം കേരളാ പൊലീസ് രംഗത്തെത്തി. ചുണക്കുട്ടന്മാര് കാട്ടിലേക്ക് പാഞ്ഞു. രണ്ടു മൂന്ന് ദിവസം കഴിഞ്ഞു. അവരുടെ ഒരു വിവരവും ഇല്ല. അവസാനം കേരളാ പൊലീസിലെ ആ ചുണക്കുട്ടന്മാരെ തിരക്കി പത്രക്കാരും മറ്റും കാട്ടിലേക്ക് പോയി. ഉള്ക്കാട്ടിലെത്തിയപ്പോള് അവര് ഞെട്ടി. ഒരു കരടിയെ മരത്തില് കെട്ടിയിട്ട് ഇടിക്കുകയാണ് നമ്മുടെ ചുണക്കുട്ടന്മാര്. പുലിയാണെന്ന് സമ്മതിക്കെടാ എന്ന് ഇടക്ക് ആക്രോശിക്കുന്നുമുണ്ട്.
അല്ല ചില സമീപകാല സംഭവങ്ങള് പത്രങ്ങളില് വായിച്ചപ്പോള് ഞാനീകഥയോര്ത്തു പോയതാണ്.
